Flugfreyjufélagið og Wow undirrituðu nýjan samning í nótt

Flugfreyjufélag Íslands og Wow Air ehf. undirrituðu nýja kjarasamninga í nótt. Samningurinn mun gilda til 29. febrúar 2020 verði hann samþykktur en hann verður borinn undir atkvæðagreiðslu á næstu dögum. Flugfreyjur hafa í tvígang fellt kjarasamning við Wow Air, nú síðast í vikunni en þar áður í desember í fyrra. 

Orri Þrastarson, varaformaður Flugfreyjufélags Íslands, segir helsta muninn á þessum samningi og þeim tveimur sem voru felldir að kjör fyrstu flugfreyja, þeirra sem eru yfir hverri flugfreyjuáhöfn, batni umtalsvert. 

Orri segir að atkvæðagreiðslu um samninginn ljúki 28. febrúar.