Yfir tíu þúsund manns séð Víti í Vestmannaeyjum

Kvikmyndin Víti í Vestmannaeyjum var frumsýnd á föstudaginn og sáu 9029 manns myndina um helgina. Kvikmyndin var forsýnd á fimmtudagskvöldið og hafa því í heildina rúmlega tíu þúsund manns séð kvikmyndina.

Víti í Vestmannaeyjum er byggð á fyrstu bókinni í vinsælum barnabókaflokki eftir Gunnar Helgason en það er Bragi Þór Hinriksson, sem leikstýrði Sveppamyndunum, sem leikstýrir myndinni.

Til að setja hlutina í samhengi þá má nefna að 7.728 manns sáu Ég man þig á opnunarhelgi á síðasta ári og 8.861 sáu Eiðinn árið 2016. Árið 2010 var barnamyndin Algjör Sveppi og dularfulla hótelherbergið frumsýnd en 11.025 manns sáu hana fyrstu helgina.