Tók nýfæddan son systur sinnar í fóstur: „Þú ert ótrúleg fyrirmynd“

Hinn 28 ára Marcio Donaldson mætti í áheyrnarprufu í Amercan Idol á dögunum og tók hann lagið Jealous með tónlistarmanninum Labrinth.

Donaldson ólst upp í Compton-hverfinu í Kaliforníu og það við mjög erfiðar aðstæður. Svo erfiðar að hann var á endanum tekinn frá móður sinni og komið fyrir í fóstri.

„Ég náði að flýja raunveruleikann með því að leita í tónlist,“ sagði Donaldson en systir hans eignaðist barn á dögunum. Hún gat ekki annast drenginn og því varð Marcio að stíga inn og taka drenginn að sér þegar barnið var aðeins viku gamalt.

„Ég vildi ekki að hann myndi þurfa ganga í gegnum það sama og ég gekk í gegnum.“

Það má með sanni segja að Katy Perry, Luke Bryan og Lionel Richie hafi tekið Donaldson vel.

„Þú ert ótrúleg fyrirmynd,“ sagði Katy Perry við söngvarann þegar hún rættu honum miða til Hollywood. American Idol er á dagskrá Stöðvar 2 á fimmtudags og föstudagskvöldum.