Kjartan Henry brenndi af víti þegar Vejle féll

Kjartan Henry Finnbogason klúðraði vítaspyrnu þegar Velje tapaði 0-2 fyrir Hobro í umspili um áframhaldandi sæti í dönsku úrvalsdeildinni. Vejle féll þar með niður í B-deildina.

Velje vann fyrri leikinn, 1-0, með marki Kjartans Henrys. Hobro komst yfir á 14. mínútu í leiknum í dag og staðan því jöfn samanlagt, 1-1.

Vejle fékk víti í uppbótartíma fyrri hálfleiks. Kjartan Henry fór á punktinn en Jesper Rask, markvörður Hobro, varði spyrnu hans.

Framlengja þurfti leikinn. Mínútu fyrir lok fyrri hálfleiks framlengingarinnar kom Emmanuel Sabbi Hobro í 0-2 sem urðu lokatölur. Hobro vann einvígið, 2-1, og heldur sæti sínu í úrvalsdeildinni.

Vejle leikur hins vegar í B-deildinni á næsta tímabili.