Eggert hjálpaði SønderjyskE að landa sigri

SønderjyskE vann 2-1 sigur á Randers í 1. umferð dönsku úrvalsdeildarinnar í dag.

Eggert Gunnþór Jónsson kom inn á sem varamaður hjá SønderjyskE á 68. mínútu, skömmu eftir að liðið komst í 2-1.

Christian Jakobsen kom SønderjyskE yfir á 30. mínútu og heimamenn voru 1-0 yfir í hálfleik. Á 54. mínútu jafnaði Marvin Egho fyrir Randers.

Ellefu mínútum skoraði Nýsjálendingurinn Marco Rojas sigurmark SønderjyskE.

Frederik Schram, sem gekk í raðir SønderjyskE í gær, var á varamannabekk liðsins í dag.

SønderjyskE endaði í 11. sæti dönsku deildarinnar á síðasta tímabili.