Kristinn hálfri sekúndu frá sínu besta

Kristinn Þórarinsson synti í nótt síðasta sund Íslendinga á HM í 50m laug í Gwangju í Suður-Kóreu.

Kristinn tók þátt í 50m baksundi og kom hann í mark á 26,42 sekúndum sem er hálfri sekúndu frá hans besta árangri í greininni. Íslandsmetið á Örn Arnarson, 25,86 sekúndur, og var markmið Kristins fyrir HM að ná Íslandsmetinu. 

Eftir sundið sagði Kristinn að hann stefndi ótrauður á að komast á Ólympíuleikana að ári og hann ynni markvisst að því með þjálfara sínum.

Íslendingar hafa því lokið þátttöku sinni á mótinu. Nú fá keppendurnir smá sumarfrí áður en nýtt tímabil hefst í ágúst.