Kinu hatar að vera á Íslandi | Biður Allah um að halda rasistunum fjarri

Einn dáðasti leikmaður Dominos-deildar karla á síðustu leiktíð, Kinu Rochford, hefur ekki átt sjö dagana sæla með Hamri í 1. deildinni.

Hann varð fyrir kynþáttaníði í leik á Höfn í Hornafirði í upphafi vetrar og í gær var hann að spila á Ísafirði og kom ekki kátur þaðan eins og sjá má hér að neðan.

I use to like it now I hate it here. Allah watch over me and keep these negative and racist people away “They pray on my downfall” as I pray for you to forgive them”

— Kinu Rochford (@kinu_rochford) October 29, 2019

Þar segist Kinu einfaldlega hata það að vera á Íslandi í dag. Hann talar til Allah sem hann biður um að halda neikvæða fólkinu og rasistunum frá sér.

Vísir hefur ekki heyrt af því að Kinu hafi orðið fyrir kynþáttaníði í leiknum í gær en eitthvað virðist hafa komið leikmanninum úr jafnvægi þrátt fyrir góðan fjögurra stiga sigur Hamars.