Hent úr húsi: „Held hann hafi ekki reynt að sparka í typpið á mér“

Brooks tók skot í leik næturinnar þegar Murray var að dekka hann. Við skottilraunina sparkaði hann hægri fæti sínum út, beint í klof Murray sem lá sárþjáður eftir.

Sóknarvilla var dæmd á Brooks á meðan Murray lá á vellinum. Dómarar leiksins endurskoðuðu atvikið og háskavilla (e. fragrant foul) dæmd á Brooks sem hefur í för með sér brottvísun.

Brooks var stigahæstur í liði Suns þegar hann lauk keppni í þriðja leikhluta, þar sem hann hafði hitt úr níu af tólf skotum og skorað 22 stig.

Murray lauk leiknum með 39 stig fyrir Nuggets en hann sagði eftir leik að þeir Brooks væru „vinir“ þar sem þeir eru liðsfélagar í kanadíska landsliðinu.

„Nei, auðvitað ekki,“ sagði Murray aðspurður um hvort hann telji sparkið hafa verið viljandi. „Hann er bara að skjóta boltanum. Ég meina, hann gæti hafa floppað (innsk. ýkt brotið) aðeins en ég held hann hefi ekki reynt að sparka í typpið á mér.“