Kvöldfréttir Stöðvar 2

Forstjóri Landsnets segir að skapa þurfi sátt um lagningu raflína. Rætt verður við hann í kvöldfréttum Stöðvar 2 en hann segir fyrirtækið vilja nota jarðstrengi eftir fremsta megni. Hann tekur undir gagnrýni um að fyrirtækið hafi ekki staðið sig við innviðauppbyggingu. Í fréttatímanum segjum við einnig frá niðurstöðum loftslagsráðstefnu Sameinuðu þjóðanna sem bar ekki tilætlaðan árangur.

Þá verður rætt við formann samtaka fólks í fátækt sem segir einstæðar mæður áörorku vera í einna verstu stöðunni yfir hátíðarnar enda sé erfitt að geta ekki boðið börnum sínum upp áþað sama og önnur börn fái. Rætt verður einnig við verkefnastýru hjá Kvennaathvarfinu og í fréttatímanum hittum við fyrir ungan mann í Breiðholti sem síðustu sunnudaga hefur boðið gestum og gangandi upp á heimatilbúinn aðventugraut.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis í opinni dagskrá klukkan 18:30.