Hólm­bert skoraði tvö og tvær ís­lenskar stoð­sendingar

Hólmbert Aron Friðjónsson skoraði tvö mörk er Álasund gerði 2-2 jafntefli við Vålerenga á útivelli í norsku úrvalsdeildinni.

Fyrsta markið skoraði Hólmbert á 34. mínútu eftir undirbúning Davíðs Kristjáns Ólafssonar og á 47. mínútu tvöfaldaði Hólmbert forystuna.

Benjamin Stokke minnkaði muninn fyrir Vålerenga á 63. mínútu en stoðsendinguna gaf Matthías Vilhjálmsson. Tveimur mínútum varð allt jafnt er Bard Finne jafnaði og lokatölur 2-2.

Allir Íslendingarnir þrír spiluðu allan leikinn en Vålerenga er með níu stig eftir sex leiki en Álasund er með þrjú stig.

Axel Óskar Andrésson var ónotaður varamaður hjá Viking sem gerði 1-1 jafntefli við Start. Jóhannes Harðarson er þjálfari Start. Start er með þrjú stig en Viking er í 12. sætinu með fimm stig.