Helgi Valur „loksins“ út­skrifaður af bæklunar­deildinni

Helgi Valur Daníelsson, miðjumaður Fylkis í Pepsi Max-deild karla, segir frá því á Twitter-síðu sinni hann sé útskrifaður af bæklunardeildinni.

Helgi Valur brotnaði illa í leik Fylkis og Gróttu og telur hann líkur á því að ferlinum sé lokið en Helgi Valur verður 39 ára síðar í mánuðinum.

„Útskrifaður (loksins) af bæklunardeildinni í dag og 3 stig í Árbæinn. Góða helgi!!“ skrifaði Helgi Valur á Twitter í dag.

Fylkir vann 2-1 sigur á Fjölni í dag eftir að hafa unnið Gróttu 2-0 í leiknum sem Helgi Valur var borinn af velli.