Kvöldfréttir Stöðvar 2

Íslenska krónan hefur verið á fallbraut frá áramótum og hefur veikst um sautján prósent gagnvart evru. Veðurstofan varar við óveðri á Vestfjörðum frá því í kvöld og fram á laugardagsmorgun en annars verður leiðindaveður á öllu norðanverðu landinu fram á sunnudag rigningu og hvassviðri.

Í kvöldfréttum okkar förum við á Keflavíkurflugvöll þar sem hins vegar er farið að lifna aðeins yfir starfseminni en tvö þúsund og fimm hundruð manns komu þar í gegn til landsins í dag með sautján flugfélögum.

Þá greinum við frá því að mikil fjölgun hefur verið á heimilisofbeldismálum það sem af er ári miðað við sama tíma í fyrra.

Þetta og margt fleira á samtengdum rásum Bylgjunnar, Stöðvar 2 og Vísis klukkan 18:30