Hólmbert til Brescia

Hólmbert Aron Friðjónsson hefur skrifað undir samning við ítalska B-deildarliðið Brescia.

Hólmbert hefur verið mikið orðaður við ítalska liðið undanfarnar vikur en norski blaðamaðurinn Jonas Givær segir að það hafi einnig verið smá drama í viðræðunum.

Að endingu hafi liðin þó náð saman og mun Hólmbert skrifa undir samning við ítalska félagið eftir að hafa staðið sig afar vel með norska úrvalsdeildarliðinu Álasund.

Hólmbert stóð sig einnig vel í síðustu landsleikjum með íslenska landsliðinu. Hann fiskaði víti gegn Englandi og skoraði gegn Belgíu í tveimur síðustu landsleikjum.

Hólmbert er í 5. sæti yfir markahæstu leikmenn norsku úrvalsdeildarinnar það sem af er tímabilinu en hann hefur skorað ellefu mörk fyrir botnlið Álasundar.

Birkir Bjarnason er á mála hjá Brescia sem fell úr Seríu A á síðustu leiktíð. Þeir hafa byrjað illa í Seríu B og eru einungis með eitt stig eftir fyrstu tvo leikina.