Bein útsending: Þórólfur fer yfir stöðuna í hádegisfréttum Bylgjunnar

Það er alveg eins líklegt að sóttvarnalæknir muni í minnisblaði sínu til ráðherra mæla með að næsta reglugerð um sóttvarnaaðgerðir gildi til skemmri tíma en ekki fram yfir jól líkt og komið hefur til tals. Rætt verður við Sóttvarnalækni í hádegisfréttum Bylgjunnar. 

Þá heyrum við í forseta ASÍ sem segir ljóst að Samtök atvinnulífsins séu að gíra sig upp í að það sé ofrausn að samningsbundnar launahækkanir taki gildi um áramótin. 

Kostnaður við innanlandsflug gæti lækkað um allt að áttatíu prósent eftir orkuskipti að sögn varaformanns umhverfis- og samgöngunefndar Alþingis. Þetta og margt fleira í hádegisfréttum Bylgjunnar.