Fótbolti

Svekkjandi jafntefli hjá Davíð og félögum

Valur Páll Eiríksson skrifar
Davíð Kristján Ólafsson Álasund
Mynd/Heimasíða Álasund

Davíð Kristján Ólafsson og félagar hans í Álasundi gerðu markalaust jafntefli við Sandnes Ulf í norsku B-deildinni í fótbolta í kvöld. Liðið berst á meðal þeirra efstu í deildinni fyrir endurkomu í efstu deild.

Davíð Kristján var að venju í byrjunarliði Álasunds og spilaði allan leikinn er liðið sótti Sandnes Ulf heim á Öster Hus-völlinn í Sandnesi. Hvorugu liðanna tókst að setja mark sitt á leikinn og markalaust jafntefli því úrslitin.

Niðurstaðan er eflaust svekkjandi fyrir liðið enda Sandnes Ulf í fallbaráttu. Álasund hafði unnið þrjá leiki í röð fyrir kvöldið og sú sigurhrina því á enda.

Álasund er með 17 stig í fimmta sæti deildarinnar, líkt og Bryne, sem er sæti ofar. Þrjú stig eru upp í Jerv í öðru sætinu og sex stig í topplið HamKam.

Norski boltinn

Mest lesið


Fleiri fréttir

Sjá meira


×

Mest lesið