Íslenski boltinn

Vestri skoraði fjögur á sjö mínútum og er á leið í átta liða úrslit

Hjörtur Leó Guðjónsson skrifar
Lengjudeildarliðið Vestri er komið í átta liða úrslit Mjólkurbikarsins.
Lengjudeildarliðið Vestri er komið í átta liða úrslit Mjólkurbikarsins.

Það var Lengjudeildarslagur þegar að Vestri tók á móti Þór í 16-liða úrslitum Mjólkurbikars karla í kvöld. Markalaust var í hálfleik, en heimamenn skoruðu fjögur í seinni hálfleik og unnu að lokum öruggan 4-0 sigur.

Nivolaj Madsen kom heimamönnum í 1-0 eftir tæplega 65 mínútna leik áður en Benedickt Waren tvöfaldaði forystu heimamanna tveim mínútum síðar.

Það liðu ekki nema aðrar tvær mínútur þangað til staðan var orðin 3-0 þegar að Madsen skoraði sitt annað mark. 

Leikmenn Vestra létu bíða eftir fjórða markinu, en það kom ekki fyrr en þrem mínútum á eftir því þriðja. Þar var á ferðinni Martin Motipo og örlög Þórsara því ráðin.

Mjólkurbikarinn Vestri Þór Akureyri

Mest lesið


Fleiri fréttir

Sjá meira


×

Mest lesið