Fótbolti

Rúnar Már og félagar steinlágu í Evrópudeildinni

Hjörtur Leó Guðjónsson skrifar
Rúnar Már Sigurjónsson og félagar þurfa aldeilis að spýta í lófana í seinni viðureign liðanna.
Rúnar Már Sigurjónsson og félagar þurfa aldeilis að spýta í lófana í seinni viðureign liðanna. Flaviu Buboi/NurPhoto via Getty Images

Rúnar Már Sigurjónsson og félagar hans í rúmenska liðinu CFR Cluj fengu skell þegar að þeir heimsóttu serbneska liðið Rauðu Stjörnuna í forkeppni Evrópudeildarinnar. Serbarnir höfðu betur 4-0 og Rúnar Már og félagar þurfa á kraftaverki að halda, ætli þeir sér áfram í riðlakeppnina.

Milan Pavkov kom heimamönnum yfir strax á fimmtu mínútu leiksins, áður en Aleksandar Katai tvöfaldaði forystuna fyrir hálfleik.

El Fardou Ben kom Rauðu Stjörnunni í 3-0 þegar rúmar tuttugu mínútur voru til leiksloka, og um tíu mínútum seinna tryggði Mirko Ivanic heimamönnum 4-0 sigur.

Rúnar Már spilaði allan leikinn á miðjunni hjá Cluj, sem þarf á kraftaverki að halda til að snúa vinna einvígið, en sigurliðið kemst í riðlakeppni Evrópudeildarinnar.

Evrópudeild UEFA

Mest lesið


Fleiri fréttir

Sjá meira


×

Mest lesið