103 greindust innan­lands í gær

Þetta kemur fram í uppfærðum tölum á vefnum covid.is. Alls eru 908 nú í einangrun, en voru 908 í gær. 1.493 eru nú í sóttkví, en voru 1.358 í gær. 872 eru nú í skimunarsóttkví.

Þá eru átján nú á sjúkrahúsi vegna Covid-19, sami fjöldi og í gær. Fjórir eru á gjörgæslu, samanborið við fimm í gær. Af þeim sem greinst hafa með COVID-19 á Íslandi eru 31 látin, en greint var frá því á Vísi í dag að einn til viðbortar hafi látist af völdum Covid-19.

Fimm greindust á landamærum í gær – tveir með virkt smit í fyrri landamæraskimun, einn mældist með mótefni og þá er niðurstöðu mótefnamælingar beðið í tilvikum tveggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 316,9, en var 321,2 í gær. Nýgengi á smiti á landamærum er nú 10,9, en var 10,6 í gær.

262.924 eru nú fullbólusettir hér á landi, eða 84 prósent landsmanna tólf ára og eldri.

Tekin voru 1.981 einkennasýni í gær, 1.335 sýni á landsmærum og 768 sóttkvíar- og handahófssýni.

Alls hafa 10.443 manns greinst með kórónuveiruna hér á landi frá því faraldurinn hófst í lok febrúar á síðasta ári. 

Tekin voru 1.981 einkennasýni í gær, 1.335 sýni á landsmærum og 768 sóttkvíar- og handahófssýni.

Fréttin hefur verið uppfærð.