194 greindust innan­lands

Hundrað af þeim 194 sem greindust innanlands í gær voru í sóttkví við greiningu, eða 52 prósent. 94 voru utan sóttkvíar, eða 48 prósent.

Þetta kemur fram á síðunni Covid.is. 1.735 eru nú í einangrun vegna Covid-19, en voru 1.684 í gær. 2.089 eru nú í sóttkví, en voru 2.380 í gær. 175 eru nú í skimunarsóttkví.

24 eru nú inniliggjandi á sjúkrahúsum á landinu vegna Covid-19, sami fjöldi og í gær. Þá eru þrír á gjörgæslu vegna Covid-19 líkt og í gær.

Tíu smit kom upp á landamærunum í gær –allt virk smit í fyrri landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 584,7, en var 577,6 í gær. Nýgengi á smiti á landamærum er nú 30,4 en var 31,4 í gær.

Alls hafa 17.002 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 34 andlát verið rakin til Covid-19 hér á landi frá upphafi faraldursins.

Óvenjulega mörg sýni voru tekin, alls 2.147 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 2.137 sýni tekin á landamærunum eða í seinni landamæraskimun og 881 í svokallaðri sóttkvíar- og handahófsskimun. Þá voru 297 sýni tekin í annarri skimun hjá Íslenskri erfðagreiningu.