Kvöldfréttir Stöðvar 2

Vísindaráð fundaði um stöðuna síðdegis í dag og farið verður yfir stöðuna með jarðeðlisfræðingi almannavarna í beinni útsendingu í kvöldfréttum Stöðvar 2.

Landlæknir hefur kallað eftir upplýsingum frá lögreglu vegna máls læknis sem grunaður er um röð alvarlegra mistaka í starfi, sem hafi leitt til dauðsfalla sex sjúklinga hans. Fimm önnur dauðsföll eru til skoðunar hjá lögreglu. Fjallað verður nánar um málið í kvöldfréttum.

Þá verðum við í beinni frá Alþingi og ræðum við fyrrverandi þingmann Pírata sem hefur kært formann yfirkjörstjórnar Norðvesturkjördæmis fyrir kosningasvindl auk þess sem við förum yfir stöðuna á eldgosinu við Fagradalsfjall og hittum Harry Potter aðdáendur sem hittast vikulega.

Þetta og margt fleira á samtengdum rásum Bylgjunnar og Stöðvar 2 klukkan 18:30. Kvöldfréttirnar eru nú í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.