Markalaust þrátt fyrir mikla yfirburði Real Madrid

Real Madrid tókst ekki að vinna sinn áttunda leik í röð þegar liðið fékk Cadiz í heimsókn í spænsku úrvalsdeildinni í kvöld.

Madridingar höfðu mikla yfirburði, nánast frá fyrstu mínútu til þeirrar síðustu. 

Ekki náðu þeir þó að nýta þá yfirburði til að skora mark en Real Madrid var til að mynda með boltann innan síns liðs 83% leiktímans og áttu 19 skot að marki gestanna á meðan Cadiz náði þremur marktilraunum.

Real Madrid nú með sex stiga forystu á toppi deildarinnar, en Sevilla sem er í öðru sæti á einn leik til góða.