816 greindust innan­lands

Frá þessu segir á síðunni covid.is. 10.577 eru nú í einangrun vegna Covid-19 samanborið við 11.297 á föstudaginn þegar síðan var síðast uppfærð. 6.377 eru nú í sóttkví, en voru 6.726 á föstudaginn. 169 eru nú í skimunarsóttkví.

55 prósent af sem greindust innanlands í gær voru í sóttkví við greiningu og 45 prósent utan sóttkvíar.

32 eru nú á sjúkrahúsi með Covid-19, en voru 37 á föstudaginn. Þrír eru á gjörgæslu.

Alls hafa 67.673 manns greinst með kórónuveiruna hér á landi frá því faraldurinn hófst í lok febrúar á þarsíðasta ári. Átján prósent íbúa hafa nú greinst með Covid-19. 46 hafa látist á Íslandi vegna COVID-19 frá upphafi faraldursins.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 4.875 en var 4.986 í gær. Nýgengi á smiti á landamærum er nú 294, samanborið við 309 í gær.