Lífið

Sigvaldahús í Skerjafirði á markaði í tæpt ár hefur lækkað um sextíu milljónir

Hallgerður Kolbrún E. Jónsdóttir skrifar
Þörf er á endurbótum.
Þörf er á endurbótum.

Einbýlishús við Skildinganes í Skerjafirði, sem var teiknað af Sigvalda Thordarson arkítekt, hefur verið á sölu síðan í maí í fyrra og hefur ásett verð lækkað um 57 milljónir króna. 

Vísir fjallaði um það í maí 2021 að húsið væri komið á sölu en myndir sem fylgdu söluauglýsingunni eru eins og að ganga inn í tímavél. Húsið var byggt árið 1960, er 330 fermetrar að stærð og eru þar fimm svefnherbergi og þrjár stofur.  

Þegar húsið var sett á sölu í fyrra var fasteignamat eignarinnar 136 milljónir króna en ásett verð 225 milljónir. Nú í mars 2022, tæpu ári seinna, hefur fasteignamat eignarinnar hækkað upp í 144,5 milljónir króna en ásett verð lækkað um 57 milljónir, niður í 169 milljónir króna.

Eignin er að mörgu upprunaleg og þarfnast töluverðra endurbóta. Hurðir, skápar, innréttingar úr tekkviði, allt upprunalegt. Hér að neðan má sjá myndir af eigninni en Sigvaldi er einn merkasti arkitekt Íslandssögunnar og eru hús eftir hann um alla borg.

Fallega teiknað hús.

Eldhúsið er upprunalegt frá 1960.

Litirnir fá heldur betur að njóta sín.

Víða teppalagt í húsinu.
Ef kaupandi ætlar að halda baðherberginu óbreyttu þarf að fjárfesta í klósettsetu.

Fallegur tekkviður víða um húsið.

Svalirnar magnaðar og falleg sólstofa upp á þaki.
Hús og heimili Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.