Einkunnir Íslands: Engar flugeldasýningar

Bæði lið áttu fína kafla en enda afurðin í sóknarleik liðanna var ekki nógu góður til að finna sigurmarkið. Albanir voru meira með boltann í upphafi leiks en náðu ekki að skapa sér neitt af viti en Íslendingar áttu bestu færir hálfleiksins. Gestirnir komust þó yfir á 30. mínútu þegar Seferin náði að troða boltanum yfir línuna eftir að Rúnar Alex gerði sig sekan um mistök með því að verja skot beint fyrir lappirnar á sóknarmanninum.

0-1 var í hálfleik en strax í upphafi síðari hálfleiks var mikill kraftur í Íslendingum og uppskáru þeir mark þegar um fjórar mínútur voru liðnar af hálfleiknum. Andri Lucas kom þá boltanum fyrir lappirnar á Jóni Degi Þorsteinssyni sem lagði boltann fyrir sig og sendi boltann framhjá markverði Albana. 

Leikurinn komst svo ekki á almennilegt flut og liðin skiptu með sér stigunum. Ísland er þó á toppi riðilsins með tvö stig en Ísraelar og Albanir leika á fimmtudaginn.

Hér fyrir neðan má sjá frammistöðumat hjá íslensku strákunum á Laugardalsvellinum í kvöld.

Rúnar Alex Rúnarsson, markvörður: 4

Gerði sig sekan um mistök í marki Albana en annars reyndi mjög lítið á hann.

Alfons Sampsted, hægri bakvörður: 5

Alanir sóttu meira upp hægri kantinn sinn þannig að ekki reyndi mikið á Alfons en hann komst ekki í takt við sóknarleik Íslands heldur.

Daníel Leó Grétarsson, miðvörður: 6

Velflestar fyrirgjafir Albana voru skallaðar í burta af Daníel eða kollega hans í miðvarðarstöðunni. Daníel var líka duglegur að koma sér fyrir skotin hjá gestunum.

Hörður Björgvin Magnússon, miðvörður: 5

Kom sér í klandur þegar hann var að missa knöttinn frá sér á hættulegum stöðum en var annars stöndugur í vörninni og skallaði frá fyrirgjafir Albana.

Davíð Kristján Ólafsson, vinstri bakvörður: 5

Mæddi meira á honum af bakvörðum Íslands. Hann komst ágætlega frá sínu en hefði mögulega getað komist í veg fyrir fleiri fyrirgjafir.

Birkir Bjarnason, miðjumaður: 5 

Kom lítið út úr sóknarleik hans en ef hann fékk boltann gat hann róað leik Íslands niður. Kappinn var alveg sprunginn þegar honum var skipt út af.

Ísak Bergmann Jóhannesson, miðjumaður: 7

Mesta hættan skapaðist þegar Ísak og Arnór náðu að tengjast í sóknarleik Íslands. Hann skar í sundur vörn Albana í eitt skipti og skapaði mjög gott færi. Annars barðist hann vel og 

Þórir Jóhann Helgason, miðjumaður: 5

Komst aldrei í takt við leikinn.

Arnór Sigurðsson, hægri kantmaður: 7 (Maður leiksins)

Skapaði mesta hættu fyrir íslenska landsliðið í kvöld. Hann og Ísak áttu góða kafla saman eins og áður hefur komið fram en hann átti góða kafla í seinni hálfleik þegar hann var að vinna knöttinn á hættulegum stöðum og keyra á vörn Albana.

Jón Dagur Þorsteinsson, vinstri kantmaður: 6,5

Komst lítið í takt við leikinn í fyrri hálfleik en kom inn í þann seinni af miklum krafti. Hann skoraði mark sem er mönnum alltaf til tekna en var tekinn út af á skrýtnum tíma. Mögulega hefði hann getað verið enn meiri örlagavaldur en svo var ekki því miður. 

Andri Lucas Guðjohnsen, framherji: 5

Komst aldrei í takt við leikinn en hann var í strangri gæslu. Missti dálítið boltann en átti þátt í markinu.

Mikael Anderson kom inn á fyrir Jón Dag Þorsteinsson á 62. mínútu: 5

Fylgdi honum fínn kraftur en hann náði ekki að tengja sendingar við samherja sína í sóknarleiknum.

Hákon Arnar Haraldsson kom inn á fyrir Þóri Helgason á 62. mínútu: 5

Örugglega erfiðara að koma inn í leik en að byrja hann. Það jókst kraftur á miðsvæðinu við innkomuna en því miður náði hann ekki að gera sér mat úr því að vera með ferskari fætur en margir.

Aron Elís Þrándarson kom inn á fyrir Birki Bjarnason á 74. mínútu: 5

Komst ekki í takt við leikinn.

Mikael Egill Ellertsson kom inn á fyrir Arnór Sigurðsson á 74. mínútu: 5

Komst ekki í takt við leikinn.

Sveinn Aron Gudjohnsen kom inn á fyrir Andra Lucas Gudjohnsen á 91. mínútu: 

Spilaði of lítið til að fá einkunn.