Íslenski boltinn

Blikar til Andorra en KR-ingar til Póllands

Sindri Sverrisson skrifar
KR og Breiðablik leika bæði í undankeppni Sambandsdeildarinnar eftir að hafa endað í 3. og 2. sæti efstu deildar Íslands í fyrra.
KR og Breiðablik leika bæði í undankeppni Sambandsdeildarinnar eftir að hafa endað í 3. og 2. sæti efstu deildar Íslands í fyrra. vísir/vilhelm

Dregið var í 1. umferð undankeppni Sambandsdeildar Evrópu í fótbolta í dag og voru bæði Breiðablik og KR í pottinum.

Blikar voru í efri styrkleikaflokki í sínum hópi og drógust gegn liði Santa Coloma frá Andorra en hefðu einnig getað mætt liðum frá Færeyjum, San Marínó, Írlandi og Norður-Írlandi.

KR-ingar drógust hins vegar gegn Pogon Szczecin frá Póllandi en hefðu getað dregist gegn liðum frá Færeyjum, Lettlandi, Eistlandi og Norður-Írlandi.

Leikirnir í 1. umferð fara fram 7. og 14. júlí en liðin sem komast áfram leika svo í 2. umferð 21. og 28. júlí. Komast þarf í gegnum fjórar umferðir til þess að komast í riðlakeppni Sambandsdeildarinnar.

Sambandsdeild Evrópu

Mest lesið


Fleiri fréttir

Sjá meira


×

Mest lesið