Dagskráin í dag: Stútfullur sófasunnudagur

Stöð 2 Sport

Cazoo Baskonia tekur á móti Valencia Basket í spænsku ACB-deildinni í körfubolta klukkan 17:20.

Stöð 2 Sport 2

Fótboltinn ræður ríkjum á Stöð 2 Sport 2 þar sem verða sýndir tveir leikir úr ítalska boltanum og tveir úr elstu og virtustu bikarkeppni heims, FA-bikarnum.

Salernitana tekur á móti Torino í ítölsku úrvalsdeildinni klukkan 11:20 áður en AC Milan og Roma eigast við í stórleik klukkan 19:35.

Þess á milli er upplagt að fylgjast með FA-bikarnum þar sem Cardiff tekur á móti Leeds klukkan 13:50 aður en hitað er upp fyrir stórleik dagsins klukkan 16:00. Tuttugu mínútum síðar skiptum við svo yfir til Englands þar sem Manchester City tekur á móti Chelsea, en að leik loknum verða leikir dagsins gerðir upp.

Stöð 2 Sport 3

Norwich og Blackburn eigast við í FA-bikarnum klukkan 13:50 áður en NFL-deildin í amerískum fótbolta tekur við keflinu á Stöð 2 Sport 3.

Buffalo Bills og New England Patriots mætast klukkan 18:00, Seattle Seahawks og Los Angeles Rams etja kappi klukkan 21:20.

Stöð 2 Sport 4

Þá heldur FA-bikarinn áfram á Stöð 2 Sport 4 þar sem Derby tekur á móti Barnsley klukkan 12:20 og ASton Villa tekur á móti Stevenage klukkan 16:20.

NBA-deildin í körfubolta á einnig sinn stað á Stöð 2 Sport 4 þar sem Toronto Raptors og Portland Trailblazers eigast við klukkan 20:30.

Stöð 2 Sport 5

Real Madrid og Gran Canaria eigast við í spænsku ACB-deildinni í körfubolta klukkan 11:20.

Lazio og Empoli mætast í ítalska boltanum klukkan 13:50 áður en Sampdoria tekur á móti Napoli klukkan 16:50.

Stöð 2 eSport

Strákarnir í Sandkassanum verða á sínum stað með sinn vikulega þátt klukkan 21:00