Viðskipti erlent

Þurfa að fjar­lægja Matter­horn af um­búðum Toblerone

Árni Sæberg skrifar
Fjallið Matterhorn má ekki lengur prýða umbúðir Toblerone vegna nýlegra svissneskra laga.
Fjallið Matterhorn má ekki lengur prýða umbúðir Toblerone vegna nýlegra svissneskra laga. Getty

Framleiðendur hins sívinsæla súkkulaðis Toblerone neyðast til þess að breyta umbúðum þess eftir að hluti framleiðslunnar var fluttur frá Sviss. Svissnesk lög kveða á um að ekki megi nota svissnesk kennileiti á umbúðum mjólkurvara sem ekki eru framleiddar að öllu leyti í Sviss.

Bandaríski matvælarisinn Mondelez eignaðist Toblerone árið 2012 og hefur nú ákveðið að flytja hluta framleiðslunnar frá upprunalandi þess Sviss. Að sögn talsmanna fyrirtækisins var það gert til þess að mæta aukinni eftirspurn á heimsvísu og að þróa vörumerkið, að því er segir í frétt breska ríkisútvarpsins.

Sá hængur er hins vegar á áætlunum Mondelez að árið 2017 voru lög samþykkt í Sviss sem kveða á um að ekki megi nota svissnesk kennileiti, á borð við Matterhornfjall, á umbúðum mjólkurvara sem ekki eru alfarið framleiddar í landinu. 

Aðrar vörur þurfa að vera framleiddar í Sviss að minnst áttatíu prósent hluta til þess að mega nota kennileitin.

Matterhorn hefur prýtt umbúðir súkkulaðsins frá árinu 1970 og er eitt helsta einkenni þess.

Talsmenn Mondelez hafa nú tilkynnt að fjallið verði fjarlægt af umbúðunum og annað merki muni prýða þær ásamt nýrri leturgerð og undirskrift stofnanda Toblerone, Jean Tobler.

Sviss Matvælaframleiðsla Sælgæti Höfundarréttur

Tengdar fréttir

„Frá Sviss“ hverfur af um­búðum Toblerone

Toblerone-súkkulaði hefur alla tíð einungis verið framleitt í Sviss, en framleiðandinn hyggur nú á opnun nýrrar verksmiðju í Slóvakíu. Svissnesk lög kveða á um að vegna þessa þurfi nú að breyta því sem stendur á umbúðunum.



Mest lesið


Fleiri fréttir

Sjá meira


×

Mest lesið