Fótbolti

Sverrir Ingi kom PAOK á bragðið í markaleik

Arnar Geir Halldórsson skrifar
Sverrir Ingi Ingason.
Sverrir Ingi Ingason. PAOK

Sverrir Ingi Ingason lék allan leikinn í vörn PAOK þegar liðið fékk Volos í heimsókn í grísku úrvalsdeildinni í fótbolta í kvöld.

Sverrir kom PAOK í forystu strax á sjöttu mínútu sem gaf tóninn fyrir það sem koma skyldi í fyrri hálfleik þar sem PAOK hreinlega valtaði yfir Volos og leiddi með fjórum mörkum gegn engu í leikhléi.

Gestirnir náðu að klóra í bakkann í síðari hálfleik með tveimur mörkum en öruggur 4-2 sigur Sverris og félaga staðreynd.

PAOK í fjórða sæti deildarinnar, níu stigum á eftir toppliði Panathinaikos.

Gríski boltinn

Mest lesið


Fleiri fréttir

Sjá meira


×

Mest lesið