Laxinn mættur í Elliðaárnar

Karl Lúðvíksson skrifar 5. júní 2023 08:15

Fyrsti laxinn sást í Elliðaánum í fyrradag og er það góðs viti en laxinn sést sífellt fyrr í þessari perlu höfuðborgarinnar.

Það var veiðimeistarinn sjálfur Ásgeir Heiðar sem sá fyrsta laxinn stökkva á Breiðunni en það er næst neðsti veiðistaðurinn í ánni. Í gær voru nokkrir unnendur Elliðaánna að gagna meðfram bökkunum til að skima eftir laxi og sáu einn lax í Teljarastreng, einn lax í Efri Móhyl og svo einn liggja undir klöppinni við Sjávarfoss. Það fer því ekkert á milli mála að laxinn er mættur í Elliðaárnar en þar sem það er ennþá nokkuð í opnun á áin eftir að hlaða sig betur og það veit vonandi á góða fyrstu daga og gott sumar í ánni.

Stangveiði