Fótbolti

Guð­laugur Victor á leið til Belgíu

Runólfur Trausti Þórhallsson skrifar
Guðlaugur Victor í leik Íslands og Portúgal fyrr í sumar.
Guðlaugur Victor í leik Íslands og Portúgal fyrr í sumar. Vísir/Hulda Margrét

Landsliðsmaðurinn Guðlaugur Victor Pálsson er á leið til Eupen í Belgíu frá DC United í MLS-deildinni í Bandaríkjunum. 

The Athletic greinir frá þessu en það virðist sem Wayne Rooney, þjálfari DC United, ætli að hrista upp í leikmannahópi sínum. Hinn 32 ára gamli Guðlaugur Victor hefur verið á mála hjá DC United síðan síðasta sumar eftir að spila með Schalke 04 í Þýskalandi þar á undan.

Guðlaugur Victor hefur spilað 28 leiki í MLS-deildinni en virðist nú vera á leið til Belgíu. Það yrði áttunda landið sem hann spilar í á ferli sínum eftir að hafa spilað í Englandi, Hollandi, Svíþjóð, Danmörku, Sviss, Þýskalandi og Bandaríkjunum.

Guðlaugur Victor er í grunninn miðjumaður sem hefur einnig spilað sem hægri bakvörður og miðvörður. Hann hefur spilað 36 A-landsleiki fyrir Ísland.

Fótbolti Bandaríski fótboltinn Belgíski boltinn

Mest lesið


Fleiri fréttir

Sjá meira


×

Mest lesið