Viðskipti erlent

Spotify hækkar verðið

Samúel Karl Ólason skrifar
Premium áskrift fyrir einn aðila hækkar um evru og kostar nú 10,99 evrur eða um 1.600 krónur á mánuði.
Premium áskrift fyrir einn aðila hækkar um evru og kostar nú 10,99 evrur eða um 1.600 krónur á mánuði. Getty/Nikos Pekiaridis

Nýir notendur tónlistarveitunnar Spotify munu frá deginum í dag greiða eina evru aukalega fyrir það að hlusta ekki á auglýsingar. Verð núverandi notenda hækkar eftir mánuð en forsvarsmenn Spotify tilkynntu í dag að verið væri að hækka verðið á öllum áskriftarleiðum fyrirtækisins.

Í tilkynningu frá sænska fyrirtækinu segir að markaðurinn hafi þróast mikið frá því rekstur þess hófst árið 2008. Fleiri en tvö hundruð milljón manna eru áskrifendur að þjónustu Spotify og er það stærsta tónlistar- og hlaðvarpaveita heimsins.

Premium áskrift fyrir einn aðila hækkar um evru og kostar nú 10,99 evrur eða um 1.600 krónur á mánuði. Aðrar áskriftarleiðir, að nemendaáskriftinni undanskilinni, hækka um tvær evrur.

Premium fyrir tvo kostar 14,99 evrur eða um 2.200 krónur og fjölskyldu áskrift kostar 16,99 evrur eða um 2.500 krónur. Nemendaáskrift kostar 5,99 evrur eða um 880 krónur.

Í frétt CNN segir að virði hlutabréfa Spotify hafi hækkað um rúmt prósent í aðdraganda opnunar markaða í dag. Notendum Spotify fjölgaði um fimmtán prósent í fyrra á síðasta ári en þrátt fyrir það tapaði fyrirtækið 183 milljónum dala. Það samsvarar um 22,9 milljörðum króna.

Spotify Fjármál heimilisins


Mest lesið


Fleiri fréttir

Sjá meira


×

Mest lesið