Kvöldfréttir Stöðvar 2

Verslunarmannahelgin er að ganga í garð og fólk farið að flykkjast út úr bænum. Við ræðum við lögreglumann í beinni um umferðina í dag og svo heyrum við frá verkefnastjóra ríkislögreglustjóra sem biðlar til fólks að vera vakandi fyrir hættulegum aðstæðum og líta til með nágrannanum. Ungt fólk sem sé að stíga sín fyrstu skref í skemmtanalífi verði að fara sérstaklega varlega.

Þá leit fréttastofa við í Sporthúsinu í Kópavogi í dag þar sem upp kom mikill vatnsleki. Gríðarlegt tjón varð á húsinu og langan tíma tók að finna upptök lekans.

Þetta og margt fleira í kvöldfréttum á samtengdum rásum Stöðvar 2 og Bylgjunnar klukkan 18:30.