Æsispennandi slagur milli útvarpsstjarna berst um landið

Lið Bylgjunnar skipa þær Sigga Lund og Þórdís Valsdóttir, lið FM957 skipa Egill Ploder og Rikki G og fyrir hönd X977 keppa Tommi Steindórs og Ingimar.

Framundan er mörghundruð kílómetrar ferðalag og munu liðin ferðast á glæsilegum rafbílum. Bylgjan ekur Volvo C40 Recharge, FM 957 Ford Mustang Mach-E - Premium LR AWD og töffararnir á X977 aka Polestar 2 . Þetta eru svakalega kraftmiklur bílar svo það verður áskorun út af fyrir sig að halda löglegum hraða og þar kemur Verna ökuappið til bjargar. Með því er hægt að fylgjast með aksturslaginu og sjá hvað þarf að bæta.

N1 mun sjá liðunum fyrir orku alla leiðina og passa einnig vel upp á þau mat og drykk. Á kvöldin skríða þau uppgefin undir sæng á hótelum Berjaya, á Höfn, á Héraði og á Akureyri.

Áskoranirnar sem bíða liðanna geta verið svæsnar og hefur Icewear tryggt að þeim verði ekki kalt. Þau hefja keppnina þó á mildum nótum en fyrsta stopp verður Blómabúðin Samasem, þar sem reynir á fagurfræðilega hæfileika. Næsta stopp verður í Vík í Mýrdal þar sem liðanna bíður adrenalínáskorun í Zip Line.

Fylgjast má með á samfélagsmiðlum allra stöðvanna  X977 , FM957 og  Bylgjan og einnig verða liðin með innkomur í loftinu við hverja þraut. Við fylgjumst líka spennt hér á Vísi.