Unaðs­daga­tal Her­mosa kryddar upp á kyn­lífið og býr til meiri spennu

„Jóladagatalið hentar vel fyrir öll sem vilja setja fókus á nánd í sambandinu sínu,“ segir María Dís Gunnarsdóttir, eigandi og framkvæmdastjóri Hermosa. „Hvort sem um er að ræða nýtt samband eða fólk sem er búið að vera lengi saman. Dagatalið hentar bæði fólki sem hefur litla reynslu af unaðstækjum og líka fólki sem hefur prufað ýmislegt spennandi í þeim efnum um ævina. Jóladagatalið er hannað með gagnkynja pör í huga, þannig að það inniheldur bæði vörur sem eru hannaðar fyrir píkuunað og typpaunað og henta flestar vörurnar bæði í einleik og í kynlífi með öðrum.“

Þessi árstími er líka sérstaklega heppilegur til að fjárfesta í slíku dagatali segir María Dís. „Það þekkja flestir að í skammdeginu og kuldanum færist oft yfir okkur einhver andleg lægð. Þá reynir meira á að samskipti í samböndum séu góð þar sem þráðurinn verður oft styttri auk þess sem álagið vegna jólastressins bætist ofan á vikurnar fyrir jólin.“

Með því að fjárfesta í unaðsdagatali verður þetta strembna tímabil einhvern veginn allt auðveldara. „Því þá er kominn grundvöllur fyrir meiri nánd, sem gefur tóninn fyrir betri samskipti auk þess sem andrúmsloftið verður léttara svo ég tali nú ekki um stress- og streitulosunina.“

Kjöraðstæður fyrir samræður um kynlíf

Þegar par opnar einn og einn glugga saman, hvort sem það er einn á dag, annan hvern dag eða dregur þetta yfir lengra tímabil, skapast kjöraðstæður til að ræða saman um kynlíf sem getur oft reynst erfitt að finna tíma fyrir í samböndum. „Þessi tímapunktur er svo mikilvægur, þar sem fólk ræðir saman opið um kynlíf, langanir og þrár.“

Hún segir að það sé gríðarlega mikilvæg undirstaða í samböndum að opna á umræðuna um hvað fólk vill, hvað fólki langar að prófa og hvað það vill alls ekki prófa. „Með vörunum í dagatalinu er einmitt kominn þessi ísbrjótur til þess að ræða þetta í raun og veru og spyrja spurninga eins og: Langar mig að prufa þetta tæki? Hvernig viljum við nota það? Hvernig finnst okkur gott að nota það? Viljum við nota það aftur eða viljum við nota það öðruvísi?“

Meiri gæði, úrval og fjölbreytni

Eins og fyrr segir inniheldur jóladagatalið frá Hermosa 28 vörur og er úrvalið ótrúlega fjölbreytt. „Auðvitað þarf að halda einhverju leyndu, þetta er nú einu sinni æsispennandi jóladagadal. En ég get alveg sagt frá því að dagatalið inniheldur alla flóruna af unaðsvörum, til dæmis paratæki, buttplug, sogtæki, titrara, undirföt og léttar BDSM vörur.“

Verðið á jóladagatali Hermosa er aðeins hærra en á öðrum dagatölum á markaðnum og segir María Dís að verðið endurspegli klárlega gæðin. „Dagatalið okkar býður upp á mikið meira „bang for the buck“ í orðsins fyllstu merkingu. Undanfarin ár höfum við boðið upp á dagatal frá sama framleiðanda vegna þess að gæðin í vörunum, úrvalið og fjölbreytnin er langt um meiri en í öllum öðrum dagatölum sem við höfum skoðað frá öðrum framleiðendum. Og það skiptir okkur mjög miklu máli að bjóða bara upp á það besta.“

Hún segir mikið af dagatölum á markaðnum vera þannig uppbyggð að í mörgum gluggum eru einskonar uppfyllingarefni svo hægt sé að halda verðinu í lágmarki. „Dagatölin okkar eru hins vegar hönnuð fyrir mjög kröfuharða einstaklinga sem vilja fleiri unaðstæki og færri „aukahluti“. Almennt eru engir gluggar sem innihalda bara eina fjöður eða eitt sleipiefni eða eitthvað slíkt. Frekar inniheldur glugginn þá til dæmis bæði buttplug og sleipiefni.“

Sama verð og á síðasta ári

Fullt verð á jóladagatalinu er 44.990 kr. en boðið er upp á 10% forsöluafslátt út 15. október. „Það þýðir að meðalverð hverrar vöru er um 1.600 kr. sem er lægra verð en ódýrasta varan í dagatalinu kostar ein og sér. Auk þess má nefna að í dagatalinu eru nokkur tæki sem kosta ein og sér á bilinu 18-23.000 kr. Það má því segja að dagatalið sé búið að borga sig upp á 2-3 gluggum. Restin er svo bara geggjaður bónus.“

Þrátt fyrir miklar almennar verðhækkanir hérlendis undanfarið ár hafa jóladagatölin frá Hermosa ekki hækkað í verði. „Vissulega hefur innkaupsverðið hækkað í takt við allt annað en við viljum gefa fólki kost á að kaupa þau á sama verði og í fyrra. Í staðinn vonumst við eftir því að selja mun fleiri eintök í ár.“

Jóladagatölin frá Hermosa hafa selst mjög vel undanfarin ár að sögn Maríu Dísar sem segir mjög marga viðskiptavini hafa samanburð af öðrum dagatölum. „Þeir hafa haft samband við okkur sérstaklega til að segja okkur hvað fjölbreytnin og úrvalið hafi farið fram úr væntingum þeirra.“

Umsagnir sem Hermosa hefur fengið undanfarin ár vegna jóladagatalanna hafa verið frábærar eins og sjá má hér:

Þetta dagatal er fullt af vönduðum hágæða vörum. Enginn er að fara að ganga ósáttur í burtu eftir að hafa keypt þetta 😊 Ég og konan mín erum rosalega sátt með allt sem var í boði. Við svindluðum og opnuðum allt strax!

Ég hef áður keypt kynlífsdagatal annars staðar sem ég varð hálfpartinn fyrir vonbrigðum með. Ég heyrði svo af gæðunum í þessu dagatali og ákvað að slá til og það var rétt – dagatalið er á einhverju allt öðru „leveli“.

Forsala jóladagatalsins er hafin á hermosa.is. Dagatölin verða afhent upp úr miðjum nóvember svo allt verði klárt tímanlega fyrir 1. desember.

Nánari upplýsingar á hermosa.is.