Mos­fellingar töpuðu í Noregi

Afturelding dróst á móti norska liðinu Nærbö í Evrópubikarnum í handknattleik en Nærbö situr sem stendur í 6. sæti norsku deildarinnar.

Fyrri leikur liðanna fór fram í Noregi í dag. Staðan að loknum fyrri hálfleiknum var 11-10 Nærbö í vil en í þeim síðari juku heimamenn forystuna. Þeir unnu að lokum 27-22 sigur og mæta því með fimm marka forystu í Mosfellsbæinn að viku liðinni.

Þor­steinn Leó Gunn­ars­son og Ihor Kopys­hyn­skyi skoruðu mest hjá Aftureldingu í dag eða fimm mörk og Árni Bragi Eyjólfsson skoraði fjögur.