Kvöld­fréttir Stöðvar 2

Þá heyrum við í bæjarstjóra Grindavíkur sem gengur út frá því að áfram verði búið í bænum þrátt fyrir miklar skemmdir og að hluti hans verði ekki áfram í byggð. Við heyrum einnig í Grindvíkingum sem fengu að ýmist að sækja dýrin sín í dag eða afhentu almannavörnum lykla að húsum sínum til þess að kanna megi ástand hitakerfa.

Karlmanni sem er grunaður um tengsl við hryðjuverkasamtökin ISIS var á dögunum vísað úr landi. Við ræðum við aðstoðaryfirlögregluþjón hjá ríkislögreglustjóra sem segir upplýsingar um möguleg tengsl fólks sem dvelur hér á landi við hryðjuverkasamtök vera daglega í skoðun.

Þá fylgjumst við með lyklaskiptum í ráðhúsinu og í Íslandi í dag kynnumst við nýjum borgarstjóra nánar og kíkjum til hans í morgunkaffi.

Þetta og margt fleira á samtengdum rásum Bylgjunnar og Stöðvar 2 klukkan 18:30.