Einka­­mál­efni for­seta­fram­bjóðanda, verka­lýðs­dagurinn og há­skóla­mót­mæli

Engar sjáanlegar breytingar eru á eldgosinu við Sundhnúksgíga eftir nóttina. Eldgosið mallar áfram og kvika heldur áfram að safnast undir Svartsengi.

Þá fara hátíðarhöld fram um allt land í dag vegna verkalýðsdagsins 1. maí. Formaður VR segir verkalýðsbaráttuna sjaldan hafa verið jafn mikilvæga og í dag. 

Bandarískir stúdentar hafa mótmælt stríðsrekstri Ísraelsmanna á Gasa af miklum móði undanfarnar vikur og hafa tjaldbúðir risið við háskóla um landið allt. Snemma í morgun sauð upp úr í einum slíkum tjaldbúðum, fyrir utan UCLA-háskólann í Kaliforníu þegar stuðningsmenn Ísraelsmannna reyndu að rífa búðirnar niður.