Við­gerðir á meðan búist er við gosi og skötuveisla um hásumar

Frjósemi hér á landi hefur ekki verið minni frá upphafi mælinga og síðasta áratug hefur þjóðin ekki viðhaldið mannfjölda til framtíðar. Við heyrum í sérfræðingi sem segir brýnt að snúa þróuninni við vilji Íslendingar viðhalda sterku velferðarkerfi og ræðum við stjórnarþingmann um mögulegar aðgerðir.

Íbúðaverð hefur hækkað umfram verðbólgu á öllu landinu undanfarna mánuði. Við förum yfir þróunina og ræðum við hagfræðing sem segir stöðuna sérstaka á tímum hárra vaxta.

Þá kynnum við okkur nýja rannsókn á þungamálmum í tíðavörum, sjáum myndir frá hitabylgju í Evrópu og Magnús Hlynur verður í beinni frá skötuveislu um hásumar.

Í Sportpakkanum verður meðal annars rætt við Sveinbjörn Pétursson sem hefur samið við félag í ísraelsku úrvalsdeildinni.

Þetta og margt fleira í opinni dagskrá á samtengdum rásum Bylgjunnar, Stöðvar 2 og Vísis klukkan 18:30.