Innlent

„Það er bannað að klípa í rassinn á flug­freyjunum“

Kristján Már Unnarsson skrifar
Inga Norðdahl lýsir því hvernig starfssystir hennar brást við dónakarlinum í fluginu til Mallorca.
Inga Norðdahl lýsir því hvernig starfssystir hennar brást við dónakarlinum í fluginu til Mallorca. Egill Aðalsteinsson

Flugfreyjurnar í gamla daga fengu stundum að stýra flugvélunum og þær höfðu sín ráð til að takast á við dónakarla. Fyrrverandi flugfreyjur hjá Flugfélagi Íslands, sem kalla sig sexurnar, deildu slíkum sögum í þættinum Flugþjóðin.

Í fréttum Stöðvar 2 var sýnt brot úr þættinum. Þar var farið var á fund með „sexunum“ en þær hittast venjulega einu sinni í mánuði. Nafn hópsins vísar til DC 6-flugvélanna, sem Flugfélagið rak. Það eru þó fleiri tegundir sem þær halda upp á.

Þristurinn Gunnfaxi á flugvellinum á Skógasandi.Snorri Snorrason

„Mér fannst voða gaman að þristi af því að ég fékk einu sinni að stýra,“ sagði Inga Norðdahl en bætti snarlega við að það hafi ekki mátt.

Tvær Flugfélagsvélar á Ísafjarðarflugvelli, Vickers Viscount og Douglas Dakota.Snorri Snorrason

Þær Guðný Jónasdóttir og Bryndís Guðmundsdóttir sögðu þó að Fokkerinn hefði verið mikið betri. Þá nefndi Guðný að Viscountinn hefði verið ljúfur.

Guðný Jónasdóttir lýsir því hvernig Viscountinn vaggaði.Egill Aðalsteinsson

„Og vaggaði svo mikið, mjúkur. Mjög gaman að fljúga á honum,“ sagði Guðný.

Mannfjöldi fagnaði komu Gullfaxa árið 1967.Snorri Snorrason

Þær voru fyrsta kynslóð íslenskra flugfreyja sem fór á þotu. Þegar við spurðum hópinn hverjar hefðu farið á Þotuna, með stórum staf, réttu allar upp hönd. Sögðust meira að segja hafa mætt út á Reykjavíkurflugvöll daginn sem hún kom í júní 1967.

Sexurnar réttu allar upp hönd þegar spurt var hverjar hefðu farið á „Þotuna“.

Inga Norðdahl rifjaði upp sögu af því hvernig orðheppin starfssystir skilaði skömminni til dónans. Það hafi verið í flugi til Mallorca.

„Það er einn karl í gangsæti sem klípur hana í afturendann. Og hún snýr sér svona við, beint að manninum, og þá fær hún athygli allra í kring: „Það er bannað að klípa í rassinn á flugfreyjunum.“.“

Og bætti við að viðkomandi hefði lippast niður í sæti sitt og ekki sést það sem eftir lifði ferðar.

Ég var ekki tilbúin að hætta 67 ára. Ég var í banastuði, sagði Kristín Bernhöft.Egill Aðalsteinsson

„Þetta var yndislegur tími. Ég var ekki tilbúin að hætta 67 ára. Ég var bara í banastuði að halda áfram,“ sagði Kristín Bernhöft.

Fjallað var um sögu Flugfélags Íslands frá 1937 til 1973 í öðrum þætti Flugþjóðarinnar á Stöð 2 í kvöld. Áskrifendur Stöðvar 2 og Stöðvar 2+ geta séð þáttinn í streymisveitu Stöðvar 2.

Í þriðja þætti, mánudagskvöldið 16. september, verður fjallað um sögu Loftleiða. Hér má sjá kynningarstiklu þáttaraðarinnar:

Flugþjóðin Fréttir af flugi Icelandair Kynferðisofbeldi Einu sinni var...

Tengdar fréttir

Gjaldþrot flugfélags leiddi til fyrstu flugvélasmíði Íslands

Flugfélag Íslands númer tvö, sem starfaði á árunum 1928 til 1931, lifði ekki af kreppuna. Gjaldþrot félagsins varð hins vegar til þess að fyrstu íslensku flugvirkjarnir gerðust flugvélasmiðir. Þeir smíðuðu flugvél, þá fyrstu sem alfarið var hönnuð og smíðuð á Íslandi.

Fyrsta einkaflugvélin endaði sem sleði í Þingvallasveit

Fyrsta einkaflugvél Íslendinga var nefnd Vífilsstaðaflugvélin og flaug hún fyrst á Íslandi sumarið 1930. Aðeins tveimur árum síðar taldi nýr eigandi best að nýta flugvélina með því að breyta henni í vélsleða.

Akureyringar segja vöggu flugsins vera fyrir norðan

Flugáhugamenn sunnan og norðan heiða hafa löngum togast á um það hvort vagga íslensks flugs eigi að teljast vera í Reykjavík eða á Akureyri. Þótt fyrsta flugvélin á Íslandi hafið tekið flugið í Reykjavík halda Akureyringar því gjarnan fram að vagga flugsins sé í raun fyrir norðan.

Mest lesið


Fleiri fréttir

Sjá meira


×

Mest lesið