Sport

Dag­skráin í dag: Víkingar og Rauðu djöflarnir í Evrópu

Runólfur Trausti Þórhallsson skrifar
Víkingur nældi í sinn fyrsta sigur í deildarkeppni Sambandsdeildar Evrópu í síðustu umferð.
Víkingur nældi í sinn fyrsta sigur í deildarkeppni Sambandsdeildar Evrópu í síðustu umferð. Vísir/Hulda Margrét

Það er nóg um að vera á rásum Stöðvar 2 Sport í dag. Víkingar mæta til leiks á nýjan leik í Sambandsdeild Evrópu og Rauðu djöflarnir fá PAOK í heimsókn í Evrópudeildinni.

Stöð 2 Sport 2

Klukkan 17.35 hefst bein útsending frá Tyrklandi þar sem Galatasaray tekur á móti Tottenham Hotspur í Evrópudeildinni.

Klukkan 19.50 er leikur Viktoria Plzen og Real Sociedad á dagskrá. Orri Steinn Óskarsson leikur með Sociedad.

Stöð 2 Sport 3

Klukkan 17.35 er leikur Olympiacos og Rangers í Evrópudeildinni á dagskrá. Klukkan 19.50 er leikur Ajax og Maccabi Tel-Aviv í Evrópudeildinni á dagskrá. Kristian Nökkvi Hlynsson leikur með Ajax.

Stöð 2 Sport 4

Klukkan 19.50 hefst útsending frá Kaupmannahöfn þar sem heimamenn í FCK taka á móti İstanbul Başakşehir í Sambandsdeildinni. Markvörðurinn Rúnar Alex Rúnarsson leikur með FCK.

Á miðnætti hefst Lotte Championship-mótið í golfi. Það er hluti af LPGA-mótaröðinni.

Stöð 2 Sport 5

Klukkan 14.10 hefst upphitun fyrir leik Víkings og Borac í Sambandsdeildinni. Leikurinn sjálfur hefst 14.30 og hann verður svo gerður upp klukkan 16.30.

Vodafone Sport

Klukkan 17.35 tekur Gent á móti Omonia í Sambandsdeild Evrópu. Andri Lucas Guðjohnsen leikur með Gent.

Klukkan 19.50 færum við okkur til Old Trafford þar sem heimamenn í Manchester United mæta PAOK frá Grikklandi.

Klukkan 00.05 er leikur Bruins og Flames í NHL-deildinni í íshokkí á dagskrá.

Dagskráin í dag

Mest lesið


Fleiri fréttir

Sjá meira


×

Mest lesið