Framtíðará­form Laugar­dals­vallar kynnt á árs­þingi KSÍ

Framkvæmdir á Laugardalsvelli hafa staðið yfir síðan í haust. Skipta á um undirlag á vellinum og svokallað Hybrid-gras, sem er blanda gervigrass og náttúrugrass, sett á auk þess sem völlurinn verður upphitaður með hitastýringarkerfi.

Þá verður völlurinn færður nær stúkunni vestan við völlinn þar sem skrifstofur KSÍ eru en á ársþingi sambandsins um helgina fór verkefnastjórinn Hannes Frímann Sigurðsson yfir stöðu framkvæmda á Laugardalsvelli og kynnti næstu áfanga framkvæmda.

Nýjar stúkur sem loka vellinum

Á kynningunni voru sýndar voru tilgátumyndir af stúkum sem stefnt er að rísi og munu loka vellinum á öllum hliðum.

Í næsta áfanga er ætlunin að byggja stúkur fyrir aftan mörkin báðu megin, á norður- og suðurendum vallarins. Engar stúkur er þar að finna nú. 

Þar á eftir er áætlað að tengja stúkuna austan megin við völlinn við nýju stúkurnar aftan við mörkin þannig að heild myndist. Að lokum er sagt frá möguleika á nýjum hornstúkum sem tengja myndu vesturstúku og loka vellinum þar með.

Myndir frá kynningunni má sjá með því að smella hér fyrir neðan en þar er á greinargóðan hátt greint frá yfirstandandi framkvæmdum sem og næstu áföngum.

Kynning um framkvæmdir á Laugardalsvelli.