Fékk blóð­nasir í pontu

Alma var að svara óundirbúinni fyrirspurn Diljár Mistar Einarsdóttur, þingmanns Sjálfstæðisflokksins, um hvort, og þá hvernig, hún ætli að nýta einkaframtak og nýsköpun til að stytta biðlista.

Alma var við það að útskýra að hún teldi það ekki skipta höfuðmáli hver veitir þjónustuna, mikilvægast sé að sjúklingar fái þá þjónustu sem að þeir þurfa á að halda. Heilbrigðiskerfið ætti þrátt fyrir það að standa á sterkum grunni opinberrar þjónustu.

Alma var í miðri setningu þegar hún greip skyndilega um nefið. Hún hélt máli sínu áfram um stund en bað síðan Þórunni Sveinbjarnardóttur, forseta Alþingis, um að gert yrði hlé á þingfundinum. Þórunn brást hratt við og gerði hlé á fundinum í fimm mínútur fyrir heilbrigðisráðherrann.

Alma gekk upp í pontu að hléi loknu, enn með bréf í hendi, og lauk svari sínu.

Sjón er sögu ríkari.