Börsungar renna hýru auga til Rashford og Diaz

Spænskir miðlar segja frá því að Luis Diaz, leikmaður Liverpool og kólumbíska landsliðsins sé á óskalista Börsunga.

Þá var Marcus Rashford, leikmaður Manchester United, einnig sterklega orðaður við katalónska liðið í janúar áður en hann fór að lokum á láni til Aston Villa.

„Okkur lýst vel á Diaz og okkur lýst vel á Rasford, en okkur lýst líka vel á aðra leikmenn,“ sagði Deco í samtali við katalónsku útvarpsstöðina RAC1.

„Þegar við förum út á markaðinn þá skoðum við leikmenn sem við þekkjum og vitum að geta bætt liðið.“

Ekki er talið líklegt að Liverpool sé tilbúið að hlusta á tilboð í Luis Diaz, sem á tvö ár eftir af samningi sínum við Englandsmeistarana. Hins vegar er talið líklegt að Rashford sé fáanlegur fyrir um fjörutíu milljónir punda, eða um 6,9 milljarða króna.