Umspils leikur á Ítalíu af­lýst vegna flug­elda og blysum í stúkunni

Salernitana og Sampdoria áttust við í umspili til að halda sér í Serie-B deildinni. Viðureignin er tveir leikir em Sampdoria hafði unnið fyrri leikinn 2-0.

Seinni leikurinn hafði gengið vel hjá Sampdoria, þar sem þeir voru komnir aftur í 2-0 og þar af leiðandi leiddu viðureignina samtals 4-0.

Þá varð allt vitlaust hjá stuðningsmönnum Salernitana, þar sem það virtist ekkert geta breytt því að liðið myndi falla um deild.

Fjórum mínútum eftir að Sampdoria skoraði sitt annað mark í leiknum var kveikt á blysum og flugeldum, stólum var hent inn á völlinn, og leikurinn var stöðvaður nokkrum sinnum til að ná ró.

Það gekk ekki og leikmönnum var vísað inn í búningsklefa eftir 65 mínútna leik. Lögreglan var þá kölluð á vettvang til að ná stjórn á stuðningsmönnunum.

Dómari leiksins reyndi að byrja leikinn aftur tíu mínútum síðar, en stuðningsmenn héldu áfram að kasta hlutum inn á völlinn og þá var leiknum aflýst.

Sampdoria verður líkast til dæmt 3-0 sigur og vinna því einvígið 5-0. Algjör líflína fyrir Sampdoria sem endaði tímabilið í fallsæti, en eftir að tímabilinu lauk var Brescia gefið átta stiga refsingu sem lyfti Sampdoria yfir þá í töflunni.