Á­tök breiðast út í Mið-Austurlöndum, virkjanaáform og brúð­kaup Bezos

Ætla má að staðan í Mið-Austurlöndum verði meðal annars ofarlega á baugi á leiðtogafundi Atlantshafsbandalagsins sem hefst í Haag á morgun, þar sem aukin varnarframlög bandalagsríkja verða einnig í brennidepli. 

Fimm írskir lögreglumenn eru staddir hér á landi til að taka skýrslur af fjörtíu og fimm einstaklingum í tengslum við hvarf Jóns Þrastar Jónssonar. Vonir standa til að vísbendingar berist sem gætu nýst við að upplýsa málið.

Stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Málið verður krifjað í fréttatímanum en meirihlutinn vill jafnframt halda þeim möguleika opnum að Kjalölduveita neðan Þjórsárvera verði leyfð.

Þá hafa íbúar í Feneyjum mótmælt í aðdraganda brúðkaups bandaríska auðmannsins Jeff Bezos og unnustu hans Lauren Sanches sem ætla að gifta sig í borginni í lok þessa mánaðar. 

Kvöldfréttir má sjá í heild sinni hér að neðan: