Ingvar út­skrifaður úr með­ferð

Hinn 22. maí tilkynnti Ingvar að hann væri á leið í meðferð á Vogi vegna þess að hann hefði um hríð átt við áfengisvanda að stríða. Hann tók sér þar af leiðandi leyfi frá þingstörfum.

Ingvar fagnaði afmælisdegi sínum í gær og skrifar á Facebook að hann hafi varið afmælisdeginum á meðferðarstöðinni Vík, „þaðan sem ég útskrifaðist í morgun“. 

„Árangur áfram ekkert stopp eins og góðvinir mínir í Framsóknarflokknum sögðu eitt sinn!“

Heiða Ingimarsdóttir varaþingmaður hefur leyst Ingvar af hólmi í þingstörfum og Grímur Grímsson leyst Ingvar af hólmi í skyldum hans sem annar varaforseti þingsins.