Girni­leg pizza­loka sem þú verður að prófa!

Næstu fimmtudaga gefur Alfreð Björnsson, best þekktur sem BBQ kóngurinn, lesendum Vísis gómsætar grilluppskriftir í samstarfi við Nathan & Olsen.

Girnileg pizzaloka að hætti BBQ kóngsins

Kveikið á grillinu, stillið á 300 gráður og setjið pizzastein í óbeinan hita. Gott er að leyfa honum að hitna í 30 mínútur.

Byrjuð á því að fletja út pizzadeigið í hring. Penslið með ólívuolíu og rífið smá mozzarella ost yfir. Fléttið deiginu saman í hálfmána.

Setjið hálfmánann á pizzasteininn og bakið þangað til hann verður tilbúinn (u.þ.b. 4-7 mínútur). Takið af pizzasteininum og leggið til hliðar.

Opnið hálfmánann og setjið inn í hann klettasalat, rauðlauk, mortadella skinku, hráskinku, burrata ost, Hellmann's trufflu majónes og Hellmann's chili charger sósunni sem BBQ kóngurinn setur nánast á allan mat. „Það má svo prófa ýmsar útfærslur hér og ýmis konar álegg en mér finnst þessi útfærsla best.“

Búið ykkur undir bestu pizzu loku sem þið hafið smakkað!