Alcaraz í úr­slit Wimbledon þriðja árið í röð

Leikurinn milli þeirra var langur og æsispennandi en Alcaraz stóð uppi sem sigurvegari eftir framlengingu í síðasta settinu.

Alcaraz hefur unnið Wimbledon undanfarin tvö ár og stefnir á þriðja titilinn í röð, sem aðeins fjórum tennisköppum hefur tekist áður. Alcaraz mætir líka sjóðheitur í úrslitaleikinn, með 24 sigurleiki í röð að baki.

Í úrslitaleiknum á sunnudag mætir hann annað hvort Novak Djokovic, sem hann vann á Wimbledon í fyrra, eða Jannik Sinner, sem hann sigraði nýlega í úrslitaleik opna franska meistaramótsins.

„Ég ætla að horfa á hinn undanúrslitaleikinn núna og reyna að finna taktík sem mun virka fyrir mig í úrslitaleiknum á sunnudag“ sagði Alcaraz í viðtali eftir sigurinn gegn Fritz.

Wimbledon mótið er sýnt á rás Eurosport, sem fylgir með áskrift að Sportpakka Sýnar.