Hæg breyti­leg átt og dá­lítil væta

Á morgun má samkvæmt hugleiðingum búast við vestlægri átt, þremur til átta metrum á sekúndu á norðvestanverðu landinu. Áfram á að vera skýjað vestantil en yfirleitt þurrt en bjartviðri í öðrum landshlutum.

Hiti verður líklega sex til ellefu stig um daginn en svalara um nótt og líklegt að hiti falli niður fyrir frostmark þar sem bjart verður.

Nokkuð greiðfært er um landið samkvæmt vef Vegagerðar en þó eru einhverjir vegir á Vestfjörðum ófærir eða lokaðir og framkvæmdir víða á Suðurlandi. Lítið er vitað um aðstæður á hálendi. Nánari upplýsingar um færð er að finna á vef Vegagerðar og um veður á vef Veðurstofunnar.

Veðurhorfur á landinu næstu daga

Á laugardag:

Hæg norðlæg eða breytileg átt. Skýjað með köflum, en þokuloft eða súld á norðanverðu landinu og við suðurströndina. Hiti 2 til 10 stig.

Á sunnudag:

Hæg breytileg átt, en norðaustan 5-10 m/s suðaustanlands. Skýjað að mestu og stöku skúrir. Hiti 1 til 8 stig.

Á mánudag:

Ákveðin norðaustanátt og éljagangur norðvestantil, annars hægari og dálitlar skúrir eða slydduél og kólnandi veður.

Á þriðjudag og miðvikudag:

Útlit fyrir áframhaldandi norðlægar áttir með éljum og svölu veðri, en lengst af bjartviðri suðvestanlands.