Ráðast ör­lög Aftur­eldingar inni í höll?

Samkvæmt upplýsingum Vísis kom ELKEM-grasvöllurinn á Akranesi ekki nægilega vel undan frosti næturinnar og þykir bæði freðinn og sleipur.

Dómarar leiksins munu meta stöðuna á vellinum innan skamms og í framhaldinu ákveða hvort spilað verði þar klukkan 14 í dag.

Uppfært: KSÍ hefur staðfest að leikurinn verður spilaður í Akraneshöllinni

Skagamenn hafa þegar undirbúið það að leikurinn verði færður inn í höll og vonast til að geta rúmað alla áhorfendur í þessum mikilvæga lokaleik tímabilsins. Rútuferð er frá Mosfellsbæ fyrir stuðningsmenn.

Eina von Aftureldingar um að halda sæti sínu í deildinni felst í að vinna leikinn í dag og treysta á að Vestri og KR geri jafntefli á Ísafirði á sama tíma.

Fylgst verður með leikjunum í beinni textalýsingu á Vísi og í beinni útsendingu á sportrásum Sýnar, þar sem fylgst verður með öllu því helsta á sama tíma í DocZone á Sýn Sport.